Һаулыҡ һаҡлау хеҙмәткәрҙәре тәбрикләнде
Һаулыҡ һаҡлау хеҙмәткәрҙәренең профессиональ байрамы алдынан район мәҙәниәт һарайында хеҙмәт алдынғылары тәбрикләнде. Байрамда Бөрйән районы муниципаль районы хакимиәте башлығы Ғ.М.Манапов, Башҡортостан Республикаһының Дәүләт йыйылышы – Ҡоролтай депутаты А.И.Бейембәтов, Бөрйән үҙәк дауаханаһының баш табибы И.Ф.Фәтҡуллин бер төркөм хеҙмәткәрҙәрҙе ҡотлап Башҡортостан Республикаһының һаулыҡ һаҡлау отличнигы билдәһе, Район Советының һәм Район үҙәк дауаханаһының маҡтау ҡағыҙҙарын тапшырҙылар. Сара район мәҙәниәт һарайы хеҙмәткәрҙәре әҙерләгән концерт номерҙары менән үрелеп барҙы.