Һаулыҡ һаҡлау хеҙмәткәрҙәре тәбрикләнде

Медицина хеҙмәткәрҙәренең профессиональ байрамы алдынан район мәҙәниәт һарайында хеҙмәт алдынғылары тәбрикләнде. Байрамда Бөрйән районы муниципаль район хакимиәте башлығы Ғ.М.Манапов, Башҡортостан Республикаһының ДӘүләт йыйылышы – Ҡоролтай депутаты А.И.Бейембәтов, Бөрйән үҙәк дауаханаһының баш табибы И.Ф.Фәтҡуллин бер төркөм һаулыҡ һаҡлау хеҙмәткәрҙәренә һаулыҡ һаҡлау отличнигы билдәһе, Район Советының маҡтау ҡағыҙҙары һәм Бөрйән үҙәк район дауаханаһының маҡтау ҡағыҙҙарын тапшырҙылар. Сара Район мәҙәниәт хеҙмәткәрҙәре әҙерләгән музыкаль сәләмдәр менән үрелеп барҙы.