Хәйриә концерты үтте
Кисә район мәҙәниәт һарайында Башҡортостандың атҡаҙанған мәҙәниәт хеҙмәткәре Фатима Ғәйнуллинаның 85 йәшлек юбилейына арналған хәйриә концерты үтте. Рухлы, иҫтәлек һәм тәьҫораттарға бай сарала юбилярҙың балалары, ейән-ейәнсәрҙәре, сәхнәләш дуҫтары, ул үҙе йән өргән ” Фатима” бейеү ансамбле, ” Мираҫ” халыҡ ансамбле, ғаилә дуҫтары ҡатнашты. Концерттан йыйылған 15 мең 700 һум аҡса ” Фурҡан” мәсетенең төҙөлөшөнә тапшырылды.