“Милли ризыҡ -Бауырһаҡ”

Бауырһаҡ – иң татлы милли ризыҡтарҙың береһе. Башҡорт халҡы уны борон-борондан туй һәм башҡа оло табындар өсөн әҙерләгән булған. Ҡунаҡтарҙы оло хөрмәт күрһәтеп милли ризыҡ менән ҡаршы ала торған йола йәшәй. Ҡамыр ризығы бауырһаҡтың төрҙәре бик күп. Хужабикәләр  уны төрлөсә рецепт менән бешерә.  Ә быны был юлы Район мәҙәниәт һарайында “Мираҫ” халыҡ фольклор ансамбле етәксеһе  Ғәҙелшина Хәлиҙә Айрат ҡыҙы  уҡыусы балаларға бауырһаҡ бешереү буйынса үҙенең оҫталыҡ дәресен үткәрҙе.