30 ғинуар 16.00 сәғәттә район мәҙәниәт һарайы алдында быйма байрамы үтте
Район мәҙәниәт һарайы хеҙмәткәрҙәре ойошторған сараға ауылдаштар бик ихлас ҡына йыйылып, дәртле итеп уйнап ҡайтты. Байрамдың төп шарты – быйма кейеп килеү һәм мотлаҡ ярыштарҙа ҡатнашыу ине. “Иң алыҫҡа быйма бәреүсе”, “Ритайым”, йәғни иң оҫта бейеүсе кеүек ярыштар ойошторҙоҡ. Ауылдаштар шулай уҡ “Быймаға мәҙхиә”, “Фантазия” ярыштарында ла әүҙем ҡатнашты. Шулай уҡ сана этешеү, скандинавса йөрөүселәр араһында ла ярыштар үтте. Бөтә ярыштарҙа иң әүҙем ҡатнашыусы Флүрә Мырҙағоловаға байрамдың төп бүләге – быйма тапшырылды. Байрамға килеүселәр шат кәйефтә таралышты.