Самауырҙар шыжланы – байрам гөрләне!

22 ноябрь район үҙәгендә халыҡ-ара әсәйҙәр көнөнә арналған “Самауыр шыжлай-байрам гөрләй” исемле самауыр байрамы үтте. Байрамға район үҙәгендә йәшәүселәр генә түгел, Ҡолғана, Килдеғол, Ғәҙелгәрәй ауылдарынан да ҡатнашыусылар килгәйне. Байрам үҙ-ара татыулыҡты, быуындар бәйләнешен нығытыу маҡсатында ойошторолдо. Сара самауыр тарихына байҡау яһау менән башланып китте. Артабан уңған хужабикәләр самауыр тураһында таҡмаҡ-шиғыр бәйгеләрендә ҡатнашып ҡына ҡалманы, аш-һыуға маһирлыҡтарын да күрһәттеләр. Самауырҙар янында өҫтәлдәр һығылып торҙо. Барлыҡ номинациялар буйынса иң оҫтаһы тип “Килдеғол килендәре”  (ет.Сажиҙә Билалова) табылды һәм улар бүләккә самауыр алып ҡыуандылар.

Шыжланы самауырҙар – гөрләне байрам. Шыжлап ултырған самауырҙар һәр ваҡыт яҡындарҙы бер табынға йыйһын, быуындарҙы бәйләп торһон!