Дан һәм хөрмәт һеҙгә!

2020 йыл Бөйөк Еңеүҙең 75 йыллығы айҡанлы “Дан һәм Хөрмәт” йылы тип иғлан ителде. Илебеҙҙең азатлығын тәьмин иткән ветерандарҙы хәстәрләү – беҙҙең изге бурысыбыҙ. Бөгөн районыбыҙ ветерандары Абдулла Ноғоман улы Ваһаповҡа һәм Гөлгизәр Мифтах ҡыҙы Изгинаға Бөйөк Еңеүҙең 75 йыллығына арналған юбилей миҙалдары тапшырылды. Район хакимиәте башлығы Ғәзиз Миңниәхмәт улы ҙур рәхмәттәр еткереп, ҡотлап миҙалдар тапшырғас, ветерандар хөрмәтенә тантаналы парад үтте. Ҡаһарман ветерандарыбыҙға һаулыҡ, бәхетле ҡартлыҡ теләйбеҙ!
(Фотолар “Таң” гәзите төркөмөнән алынды)