Бейеү байрамы

Бөрйән районында йыл да БР атҡаҙанған мәҙәниәт хеҙмәткәре Йәнғәле Вәхитов иҫтәлегенә бейеү конкурсы үтә. Быйыл да ошо йолаға тоғро ҡалып район мәҙәниәт һарайының социаль селтәрҙәге төркөмөндә ( https://vk.com/rdkburzyan ) интернет бейеү конкурсы ойошторолдо. Барлығы конкурсҡа 33 яңғыҙ һәм 3 дуэт башҡарыусылар видеоларын һалдылар. “Халыҡ һөйөүе” номинацияһына еңеүсене интернет-һораулама билдәләһә, иң-иңдәрҙе махсус баһалама ағзалары билдәләйәсәк. Барлыҡ ҡатнашыусыларға уңыштар, дәрт, дарман теләйбеҙ!