Ҡәҙерле дуҫтар!
11 сентябрҙә район мәҙәниәт һарайы алдында Милли кейем көнөнә арналған мәҙәни саралар үтәсәк:
Милли биҙәүестәр күргәҙмәһе;
Милли кейемдә дефиле;
Түшелдерек эшләү буйынса Мастер-класс;
Фотоға төш һәм бүләккә алҡа от! Ҡатнашыу өсөн байрамға килеп, милли кейемдәге ҡыҙҙар менән фотоға төшөп, #МойНациональныйКостюм_Бурзян, #МиллиКейемБөрйән хештэгтары менән билдәләп социаль селтәргә һалырға һәм мотлаҡ! ошо яҙманы үҙ диуарыңа күсереп алырға кәрәк. Еңеүсе махсус ҡушымта аша киске сәғәт 6-ла билдәләнәсәк!
Барығыҙҙы ла матур байрамда ҡатнашырға саҡырабыҙ! Башлана 11:00 сәғәттә! Байрамға милли биҙәктә, йәки милли кейемдә килергә!
Милли кейем — милли төҫ, милли сифатты сағылдырған бер билдә генә түгел, ә халыҡтың оло тарихын, ижади ҡеүәһен күрһәткән дәлил. Һәр төбәктең үҙенә генә хас ҡабатланмаҫ биҙәктәре бар. Халҡыбыҙҙың рухи хазинаһын, ата-бабалар ҡомартҡыһын онотмайыҡ. Байрамға ҡушылығыҙ!
