Бөрйән районында 21 егет әрмегә оҙатылды
Бөгөн районыбыҙҙан 21 егет әрме сафтарына юлланды. Уларҙы оҙатыу тантанаһы Район хакимиәте бинаһы алдында 7:30 сәғәттә башланып китте. Һалдаттарҙы оло юлға оҙатып Бөрйән районы муниципаль район хакимиәте башлығы Ғ.М.Манапов, Бөрйән районы Хәрби комиссариаты хәрби саҡырылыш бүлеге начальнигы Ф.Р.Ҡаһарманова, районыбыҙҙың имам-мөхтәсибе Хәсән хәҙрәт Зарипов, Бөрйән районы хәрби диңгеҙ флоты һәм утлы нөктәләрҙә ил алдындағы бурысын үтәүсе ир-егеттәрҙең ойошмалары ағзаһы О.М.Ғәлиев изге теләктәрен еткерҙеләр. Шулай уҡ буласаҡ һалдаттарға район хакимиәте исеменән әҙерләнгән бүләктәр таратылды. Йола үтәргә лә онотманылар – егеттәр икмәк тешләп, һынығын әсәләренә тапшырҙылар.
Ашар ризыҡтары тыуған яҡҡа тартып торһон, имен-аман хеҙмәт итеп ҡайтығыҙ, егеттәр! Аҡ юлдар һеҙгә!