Муниципальное бюджетное учреждение культуры
«Бурзянский районный дворец культуры»
муниципального района Бурзянский район
Республики Башкортостан
logo
Муниципальное бюджетное учреждение культуры
«Бурзянский районный дворец культуры»
муниципального района Бурзянский район
Республики Башкортостан
453580, Республика Башкортостан, Бурзянский район, село Старосубхангулово, ул. Ленина, д.74
тел. +7 (347-55) 3-53-33, факс: +7 (347-55) 3-62-32; e-mail: burzyanrdk@mail.ru

ХУШ КИЛДЕҢ, НУРЛЫ НАУРУЗ!

Борон-борондан 21 мартта бар мосолман халҡы Науруз байрамын ҡаршы алған.

Науруз яңы йыл, яңы көн тигәнде аңлата. Ул көндө көн менән төн тигеҙләшә. Шунан һуң көн оҙоная башлай. Хәҙерге ваҡытта Науруз байрамы ҡышты оҙатыу, яҙҙы ҡаршылау байрамы булараҡ билдәләнә. Ошо уңайҙан 20 март көнө Район мәҙәниәт һарайы хеҙмәткәрҙәре Ағиҙел ҡасабаһының ҡатын-ҡыҙҙар ойошмаһы менән “Хуш килдең, нурлы Науруз!” тип исемләнгән байрам ойошторҙо. Был сара Ағиҙел мәктәбенең майҙанында үтте. Байрамда ҡатнашыусылар йырлап-бейеп Ҡыш бабайҙы оҙатҡандан һуң, илгә именлек, муллыҡ теләп яңы сыҡҡан йәм-йәшел бойҙай шытымынан һәр кем ауыҙ итте. Байрам булғас ул нисек уйынһыҙ булһын инде, йәше лә олоһо ла бер булып төрлө ҡыҙыҡлы уйындарҙа уйнап бүләкле һәм тәмле ҡоймаҡ менән һыйландылар. “Иң тәмле ҡоймаҡ ҡойоусы”лар ҙа билдәләнде. Бына улар: Гөлдәр Татлыбаева, Гүзәл Билалова, Миңлегөл Ғүмәрова, Тәнзилә Ырыҫҡолова, Альмира Йомағужина, Зөлфиә Фәизова.
Байрамда ҡатнашыусы һәр кем йыл буйына етерлек дәрт, дарман алып күңелле ял итеп ҡайтты. Киләсәктә лә Ағиҙел ҡасабаһында йәшәүселәргә берҙәм булыуҙарын һәм бар халыҡҡа һаулыҡ, оҙон ғүмер, донъялар тыныслығы һәм муллыҡ теләйбеҙ.