Оҫтабикә Камила
Элек-электән башҡорт ғаиләләрендә ҡәҙерле һәм абруйлы ҡунаҡтарҙы ихлас ҡаршы алып, табын ҡороп һыйлағандар. Ә ҡыҙҙар кескәй саҡтан уҡ аш-һыу бешеренергә өйрәнгәндәр. Бәлештәр – хөрмәт, ҡунаҡсыллыҡ һәм йомартлыҡ билдәһе. Һәр береһенең үҙенең ҡабатланмаҫ, айырмалы үҙенсәлектәре бар.
6 апрель көнө район мәҙәниәт һарайында Иҫке Собханғол урта мәктәбенең 8 синыф уҡыусыһы, бар яҡтан да уңған, өлгөр Камила Түлибаева ҡаймаҡ бәлеше бешереү буйынса оҫталыҡ дәресе күрһәтте. Был бәлеште ниндәй табынға ҡуйһаң дә күркәм, тәмле, йәмле. Әйткәндәй, Камила өйҙәрендә тәмле-татлыны бик йыш бешерә икән, хатта һатыуға ла бешерә. Бына ниндәй шәп ҡыҙ үҫе килә Гөлдәр һәм Шамил Түлибаевтар ғаиләһендә!