“Ҡыш бабайҙар һәм Ҡарһылыуҙар” конкурсы
Район мәҙәниәт һарайында уҙған “Ҡыш бабайҙар һәм Ҡарһылыуҙар” конкурсында алты Ҡыш бабай менән уларҙың ейәнсәрҙәре “Таныштырыу”, “Ҡыш бабай бейәләйе”, “Зал менән уйын”, “Музыкаль номер” конкурстарында үҙ-ара көс һынаштылар. Конкурста ҡатнашҡан һәр ойошма ярышҡа бик етди әҙерләнгән – сағыу реквизиттар, күңелле уйындар, оригиналь сығыштар, дәртле йыр-бейеүҙәр тамашасыларҙың да, жюри ағзаларының да күңеленә хуш килде.