“Дауылдан һуң” китабының исем туйы

“Аҡбуҙат” журналының бүлек мөхәррире, шағирә Айгөл Йәмилева-Ғәбитованың “Дауылдан һуң” китабының исем туйы үҙенең тыуған ауылы Яңы Собханғолда үтте. Сарала Бөрйән район Хакимиәте башлығы урынбаҫары В.Ф. Вәлеева, “Таң” гәзите хеҙмәткәрҙәре Т.С.Баһауетдинова, А.Р.Ғәрифуллина, шағирәнең яҡындары, дуҫтары, уҡытыусылары һәм БСТ каналында бергә эшләгән дуҫтары ҡатнаштылар. Китаптың исем туйында Айгөлдөң шиғырҙарынан, үҙе уйнаған гитара моңдарынан, Яңы Собханғол ауыл мәҙәниәте йорто хеҙмәткәрҙәре әҙерләгән йыр-бейеүгә үрелеп барҙы.