Килдеғолдар ҡурайлы булды!

БСТ каналының «Телеүҙәк» тапшырыуы Башҡортостандың Мәҙәниәт министрлығы ҡатнашлығында ауыл мәҙәниәт йорттары араһында конкурс иғлан иткәйне. Һораулама ике этапта: муниципаль этап «Бәйләнештә» селтәрендә, республика этабы БСТ-ның телеграм-каналында үтте. “Башҡортостандың иң яҡшы клубы” интернет-конкурсы һөҙөмтәләре буйынса, Килдеғол ауыл мәҙәниәт йорто 3 урынға лайыҡ булды. Приздарҙы һәм дипломдарҙы еңеүселәргә «Баянлайн» компанияһы директоры Филүс Гәрәев тура эфирҙа барған тапшырыуҙа ҡурай, ҡумыҙ тапшырҙы. Кемдәр тауыш биреүҙә ҡатнашҡан һәм еңеп сығырға ярҙам иткән барыһына ла район Бөрйән мәҙәниәт бүлеге исеменән рәхмәтебеҙҙе белдерәбеҙ. Бергә булайыҡ, берҙәм булайыҡ!