“Аҙнаның ете көнө-ауылдың ете уйы”

17 август көнө Ырғыҙлы ауыл мәҙәниәт йортонда “Аҙнаның ете көнө-ауылдың ете уйы” исемле байрам сараһы үтте. Ғөмүмән ырғыҙлылар үҙҙәре бик ҡунаҡсыл халыҡ. Байрамдың мәртәбәһен күтәреп Бөрйән ҡыҙы, Башҡортостандың мәҙәниәт министры Шафиҡова Әминә Ивний ҡыҙы ла ҡайтты тыуған яҡтарына. Ауылдаштары бөгөндә йырлап-бейеп ҡаршы алды үҙ ҡунағын. Бер нисә йыл рәттән республикала эшләп килгән “Атайсал” проекты сиктәрендә ауыл мәҙәниәт йортона ике “Тульский” гармуны, мәктәпкә спорт инвентарҙары, хәрби патриотик сараларҙы үткәреү өсөн комплект кейемдәр бүләккә алып ҡайтты. Шуныһы ҡыуаныслы үҙе алып килгән гармунда Мөхәррәм Абдразаҡ улы Ҡасҡынбаев Әминә Ивний ҡыҙын йырлатып та алды. Тыуған яҡтарынан рухи көс, эшкә илһам алып кайтты был юлы ла!
Хөрмәтле Әминә Ивний ҡыҙы һеҙгә эшегеҙҙә уңыштар, һаулыҡ теләйбеҙ! Ҙур рәхмәт! Был проект ғүмерле булһын!